Kandidatët e PD-së, mbyllet procesi në Kukës, Has, Tropojë. Bardhi: Pjesëmarrje 70%, demokratët gati për ndryshim

Është mbyllur procesi i votimit për kandidatët e Partisë Demokratike në degët e Kukësit, Hasit dhe Tropojës.

Gazment Bardhi, Sekretari i Përgjithshëm i PD-së, ka shprehur kënaqësinë tij për pjesëmarrjen, që sipas tij ka arritur në 70%.

“Entuziazmi dhe pjesëmarrja masive, tregon se demokratët janë gati për ndryshimin që po vjen, janë gati ta shpëtojnë vendin nga kriza e thellë ku ndodhet prej qeverisjes së korruptuar dhe të papërgjegjshme të Edi Ramës”, deklaroi Bardhi.

Sekretari i PD shtoi se tashmë është e qartë me mazhorancën.  “Teksa rilindja dhe Edi Rama vendosën në fund me hile të propozojnë mbylljen e listave, pra ku elitat e saj të ndenjura e të zhytura në përfitime e të kapura nga krimi, të mbijetojnë sërish, demokratët e hapën procesin duke përfshirë gjithë anëtarësinë që në nisje të përzgjedhjes së kandidatëve”, përfundoi Bardhi.   (A2 Televizion)