Kaos gjatë një koncerti në Nju-Jork, 1 i vdekur dhe 9 të plagosur si pasojë e shtypjes së turmës

Nga A2 CNN
7 Mars 2023, 08:44 | Bota

Një person humbi jetën dhe 9 të tjerë u plagosën nga rrëmuja e krijuar në koncertin ku performuan këngëtarët GloRilla dhe Finesse2tymes në Rochester të Nju-Jorkut në SHBA.

"Ka disa raporte se të shtënat me armë zjarri shkaktuan panik në turmë", tha shefi i Departamentit të Policisë në Rochester, David Smith, duke deklaruar se shkaku i rrëmujës nuk dihet ende.

Duke thënë se policia nuk mund të gjente asnjë provë për të mbështetur pretendimet në lidhje me të shtënat me armë, Smith tha:

"Ne nuk kemi asnjë provë që ka pasur të shtëna në vendngjarje, se dikush është qëlluar ose therur me thikë."

David Smith, i cili deklaroi se brenda ndërtesës u identifikuan tri gra të plagosura rëndë, njoftoi se njëra prej tyre vdiq në spital. Smith deklaroi se gjendja e dy grave të tjera është kritike dhe se 7 persona janë shtruar në spital me lëndime, por jashtë rrezikut për jetën. Hetimet për ngjarjen vazhdojnë. (A2 Televizion)

A2 CNN Livestream

Latest Videos