Sondazh: Cilat janë faktorët më të rëndësishëm për zhvillimin e një fëmije?
  • Edukimi shkollor 6%
  • Kujdesi familjar 82%
  • Ndikimi i shoqërisë 12%

Këngëtarja e polemikave, nga grisja e fotos së Papës te konvertimi në fenë Islame

Nga A2 CNN
26 Tetor 2018, 09:03 | Bota

Sinéad O’Connor, këngëtarja irlandeze godet sërish pasi është konvertuar në fenë Islame. Ajo është përfshirë shpesh në polemika, sidomos kur në vitin e largët 1992 grisi një foto të Papës.

Një ditë më parë, O’Connor ka njoftuar përmes rrjetit social “Twitter” se është konvertuar në fenë Islame. Artistja, e cila njihet më së shumti për hitin e saj të vitit 1990 “Nothing Compares 2 U”, tha se e kishte ndryshuar emrin e saj në Shuhadà. Po përmes “Twitter”-it, ajo falënderoi ndjekësit myslimanë të saj për mbështetjen. Shpjegimi për vendimin e saj është “konkluzioni i natyrshëm i çdo udhëtimi të teologut inteligjent” e për këtë ngarkoi edhe një video teksa këndonte “adhan”-in, apo thirrjen islamike për lutje.

https://twitter.com/twitter/statuses/1055550686388240389

Të enjten, imami irlandez Shaykh Dr Umar al-Qadri publikoi gjithashtu një video të këngëtares, teksa shprehte deklaratën e besimit islamik.

Kjo nuk është hera e parë që O’Connor, e cila e kishte ndryshuar edhe vitin e kaluar emrin, ligjërisht në Magda Davitt, që flet hapur për besimin e saj. Në vitin 1992, ajo shkaktoi debate të forta kur grisi një foto të Papës gjatë një transmetimi të drejtpërdrejtë në një televizion amerikan. Shtatë vite më vonë, ajo u shugurua nga një kishë e shkëputur në Lourdes.

A2 CNN Livestream

Ditari nga Bruna Çifligu