Sondazh: Cilat janë faktorët më të rëndësishëm për zhvillimin e një fëmije?
  • Edukimi shkollor 11%
  • Kujdesi familjar 84%
  • Ndikimi i shoqërisë 5%

Konfirmohet lajmi i hidhur, ish-futbollisti i Chelsea-t ka ndërruar jetë

Nga A2 CNN
18 Shkurt 2023, 08:52 | Bota

Ish-futbollisti i Chelsea-t, Christian Atsu, është konfirmuar i vdekur pasi është zënë nga rrënojat e banesave të shembura nga tërmetet e fuqishme të 6 shkurtit në Turqi. Lajmin e hidhur e ka dhënë menaxheri i futbollistit ganez, Murat Uzunmehmet. “Christian Atsu është gjetur i pajetë nën rrënoja. I është gjetur edhe telefoni”, tha në një postim në Twitter menaxheri i futbollistit.

Futbollisti, pjesë e Hatayspor realizoi edhe gol një ditë para tërmetit që i mori jetën. Tashmë, mediat turke kanë bërë të ditur se ai i kishte kërkuar drejtuesve të klubit ditët e fundit se donte të largohej dhe kjo gjë i ishte pranuar edhe nga trajneri Demirel. Megjithatë, pas paraqitjes fantastike në ndeshjen e fundit, ai kishte ndryshuar mendim dhe kishte thënë se do të vazhdonte të luante në Turqi.

Atsu, i lindur më 10 janar 1992, filloi karrierën në Portugali, ndërsa më pas luajti me Porton, Rio Aven, Chelsea, Vitesse, Everton, Bournemouth dhe Malaga.

A2 CNN Livestream

Ditari nga Erion Dushi