Po mbante një takim elektoral, ekzekutohet kandidati për president

Nga A2 CNN
10 Gusht 2023, 07:44 | Bota
Po mbante një takim elektoral, ekzekutohet kandidati për president

Një kandidat për zgjedhjet e ardhshme presidenciale që do të mbahen gjatë muajit gusht në Ekuador u qëllua për vdekje me armë gjatë një takimi elektoral që po zhvillonte me mbështetësit e tij.

Fernando Villavicencio, gjithashtu anëtar i asamblesë kombëtare të Ekuadorit, u sulmua teksa po mbyllte takimin në qytetin verior të Kuitos.

Sipas dëshmitarëve nga vendngjarja,  Villavicencio po hipte në një makinë kur një burrë i doli përpara dhe e qëlloi në kokë 3 herë.

I dyshuari më pas shkëmbeu zjarr me sigurinë e kandidatit për president dhe më vonë vdiq nga plagët e marra.

Presidenti aktual, Guillermo Lasso, i cili nuk do të marrë pjesë në zgjedhjet e 20 gushtit, shprehu indinjatën e tij për këtë ngjarje të rëndë dhe u zotua se krimi nuk do të mbetet i pandëshkuar.

Muajin e kaluar, presidenti Lasso shpalli gjendje të jashtëzakonshme dhe shtetrrethimin gjatë natës në tri provinca pas një numri vrasjesh të lidhura me krimin e organizuar.

https://youtu.be/3b4MQSvEC2M

Do të informohesh i pari?
Shkarko aplikacionin tonë:
Android ~ iOS

A2 CNN Livestream

Ditari nga Erion Dushi