Sondazh: Cilat janë faktorët më të rëndësishëm për zhvillimin e një fëmije?
  • Edukimi shkollor 0%
  • Kujdesi familjar 100%
  • Ndikimi i shoqërisë 0%

Vritet 14-vjeçarja në RMV: Mes të dyshuarve edhe i ati, autorët synonin të shantazhonin nënën e saj

Nga A2 CNN
4 Dhjetor 2023, 12:48 | Ballkani

Vritet 14-vjeçarja në RMV: Mes të dyshuarve edhe i ati,

Ende pa u zbardhur në detaje vrasja e Liridona Ademajt në Kosovë, një ngjarje tjetër e rëndë ka ndodhur në Maqedoninë e Veriut fqinje.

Mediat në vend raportuan të dielën për gjetjen e trupit të pajetë të një 14-vjeçareje. Vanja Gjorçevska nga Shkupi, ishte e shpallur e humbur prej familjarëve që më 27 nëntor, kur kishte dalë nga shtëpia për të shkuar në shkollë dhe nuk u kthye më.

Policia dhe prokuroria e RMV-së njoftuan të hënën arrestimin e tre personave të dyshuar për vrasjen e adoleshentes dhe një 74-vjeçari nga qyteti i Velesit.

Lidhur me këto raste janë të dyshuar edhe dy persona të tjerë, njëri prej të cilëve, që besohet të jetë edhe autori i krimit, është arratisur nga Maqedonia e Veriut.

Trupi i pajetë i 14-vjeçares u gjet të dielën në Shkup, ndërsa ai 74-vjeçarit është gjetur në Veleshtë. Ajo që e bën edhe më të rëndë ngjarjen, është fakti se edhe babi i adoleshentes dyshohet të ketë qenë i përfshirë.

“Lidhur me të dyja rastet janë të dyshuar pesë persona dhe për tre prej tyre është caktuar masa e paraburgimit, njëri ndodhet në arrati jashtë shtetit. Ndërsa, personi i pestë, babai i vajzës së mitur, është arrestuar, është marrë në pyetje dhe po ndërmerren masa të tjera nga ana e Prokurorisë Publike… Organizatori kryesor dhe autori i aktit, pasi vrau vajzën me pistoletë, është arratisur”, ka deklaruar ministri i Punëve të Brendshme, Oliver Spasovski.

Spasovski u zotua se policia do të bëjë gjithçka të mundur për nxjerrjen para drejtësisë, autorin kryesor të krimit.

Fjala është për personin me inicialet L.P nga Shkupi, i njohur në opinion si drejtues i lëvizjes “E treta”.

“Do të bëjmë gjithçka që ky person apo kjo monstër sapo të shkelë në tokën tonë, të vihet para drejtësisë”, shtoi Spasovski.

Ministri shpjegoi se motivi i vrasjes ka qenë përfitimi material nga e ëma e vajzës së vrarë dhe se në këtë rast. Babai i vajzës ka informuar anëtarët e tjerë për kohën kur ka dalë vajza nga shtëpia dhe lëvizjen e saj drejt shkollës.

Sipas policisë, viktima tjetër nga Veleshta nuk kishte lidhje me vajzën, por kishte hesape të pambyllura me një anëtar tjetër të grupit të dyshuar kriminal.

A2 CNN Livestream

Ditari nga Denisa Pasholli