Dhoma e përfaqësuesve në Kongresin Amerikan, votoi për të autorizuar edhe formalisht nisjen e procesit të “impeachment” për presidentin Joe Biden, me republikanët të bashkuar në përpjekjen për të bindur kolegët demokratë, në gjetjen e zbulimin e provave për gabimet e presidentit të tyre.
Republikanët, që kontrollojnë dhomën, votuan 221-212 në linjë me vendimin e partisë, për të nisur hetimet me shpresën se do të zbulojnë nëse djali 53-vjeçar i presidentit, përfitoi në mënyrë të paligjshme nga babai, për kontratat e tij të huaja të biznesit, disa orë pasi biri i Biden, refuzoi më herët thirrjen për të dëshmuar me dyer të mbyllura.
Shtëpia e Bardhë e quajti këtë vendim për të hetuar si të pabazuar në fakte dhe të motivuar politikisht.
Biden po përgatitet për zgjedhjet e vitit të ardhshëm, me gjasë, përballë paraardhësit të tij republikan Donald Trump. Trump që është presidenti i parë në historinë amerikane, që hetohet 2 herë, po ashtu po përgatitet për një përballje të dytë me Biden, i quan akuzat ndaj tij, të motivuara politikisht.
Ky hetim për presidentin aktual, do të shërbejë me gjasë, për të ulur autoritetin e Biden dhe pikët për të në sondazhe. Edhe nëse votohet për impeachment për presidentin, senati do të duhet të votojë në fund.
(A2 Televizion)
A2 CNN Livestream
MUND TE LEXONI GJITHASHTU
