Lajmi për vdekjen e Navalny, reagon zëdhënësja: Nuk kemi ende konfirmim, avokati është nisur në Siberi

Nga A2 CNN
16 Shkurt 2024, 13:15 | Bota

Lajmi për vdekjen e Navalny, reagon zëdhënësja: Nuk kemi

Pas lajmit të shpërndarë në media, të cilat citonin shërbimin e burgjeve ruse, për vdekjen e liderit opozitar rus Alexei Navalny, ka reaguar edhe zëdhënësja e tij Kira Yarmysh.

Në një postim në X, ajo shprehet se nuk ka ende ndonjë konfirmim për vdekjen e tij, ndërsa avokati i 47-vjeçarit është nisur drejt Siberisë.

"Shërbimi Federal i Ndëshkimit në Distriktin Yamalo-Nenets po shpërndan lajme për vdekjen e Alexei Navalny në IK-3. Ne nuk kemi ende ndonjë konfirmim për këtë. Avokati i Navalny tani po fluturon për në Siberi dhe ekipi i tij do të raportojë më shumë informacione”, deklaroi ajo.

Navalny u pa për herë të fundit në një video-telefonatë në janar, duke bërë shaka për veshjen e tij të burgut në regjimin penale të Arktikut në të cilën ishte transferuar një muaj më parë.

Kolonia IK-3, me nofkën "Ujku Polar", është në qytetin verior të Kharp, rreth 1,900 km në veri-lindje të Moskës dhe është një nga burgjet më të vështira në Rusi dhe shumica e të burgosurve të mbajtur atje janë dënuar për krime të rënda.

Duke folur me gazetarët në video-telefonatë, Navalny dukej se ishte në gjendje të mirë shpirtërore, duke bërë shaka se nuk kishte marrë ende ndonjë postë për Krishtlindje, për shkak se ishte "shumë larg".

 

A2 CNN Livestream

Ditari nga Bruna Çifligu