Parlamenti i Hungarisë ka miratuar amendamentin e 17-të të Kushtetutës, i cili i hap rrugën përfundimit të mandatit të presidentit Tamás Sulyok dhe zgjedhjes së një kreu të ri të shtetit.
Amendamenti u miratua me 139 vota pro, 6 kundër, ndërsa 54 deputetë nuk morën pjesë në votim. Sipas dispozitave të reja, mandati i Sulyok do të përfundojë një ditë pas hyrjes në fuqi të amendamentit. Më pas, Parlamenti do të zgjedhë një president të ri, i cili do të ushtrojë detyrën deri në hyrjen në fuqi të kushtetutës së re, por jo më shumë se pesë vjet, shkruan A2CNN.
Kryeministri Péter Magyar e cilësoi miratimin e amendamentit si një hap të rëndësishëm për zëvendësimin e atyre që ai i quajti "kukullat politike të Orbán-it". Në fjalën e tij para Parlamentit, ai kritikoi ashpër qeverisjen e mëparshme të Fidesz dhe akuzoi institucionet shtetërore për mosveprim ndaj rasteve të pretenduara të korrupsionit dhe abuzimit me pushtetin.
Magyar argumentoi se presidenti Sulyok kishte dështuar të përmbushte detyrimin kushtetues për mbrojtjen e rendit demokratik dhe institucioneve, duke përmendur, mes të tjerash, heshtjen e tij ndaj pretendimeve për përdorimin e shërbimeve sekrete për qëllime politike. (A2 Televizion)
A2 CNN Livestream
MUND TE LEXONI GJITHASHTU
