Sondazh: Çfarë ju pengon për t'u ushqyer shëndetshëm?
  • Çmimet e larta 73%
  • Mungesa e kohës 18%
  • Mungesë motivimi 9%
  • Lodhja fizike 0%

Qeveria e Autoritetit Palestinez jep dorëheqjen

Nga A2 CNN
26 Shkurt 2024, 11:35 | Bota

Qeveria e Autoritetit Palestinez jep dorëheqjen

Kryeministri i Autoritetit Palestinez Mohammed Shtayyeh dhe qeveria e tij kanë lënë detyrën.

“Do të doja që të informoja këshillin e nderuar dhe njerëzit tanë të mrekullueshëm se i kam vendosur presidentit në dispozicion dorëheqjen tonë të martën e shkuar, dhe sot po e dorëzoj me shkrim,” njoftoi Shtayyeh në një postim në Facebook.

Dorëheqja vjen teksa Autoriteti Palestinez është vendosur në një presion të konsiderueshëm nga Shtetet e Bashkuara të Amerikës për të reformuar dhe për të përmirësuar qeverisjen e tij në Bregun e pushtuar Perëndimor.  

Ky Autoritet shihet prej kohësh si i korruptuar nga politikanët amerikanë dhe nga vetë palestinezët.

Autoriteti Palestinez u krijua në mes të viteve 1990 si një qeveri e përkohshme në pritje të pavarësisë së Palestinës pasi Organizata për Çlirimin e Palestinës nënshkroi Marrëveshjen e Oslos me Izraelin.

AP është selia në qytetin e okupuar të Bregut Perëndimor të Ramallah dhe ushtron vetëqeverisje nominale në disa pjesë të territorit.

A2 CNN Livestream

Ditari nga Erion Dushi