Rreth 2000 të vdekur në një ditë, Ukraina raporton shifra rekord humbjesh për ushtrinë ruse në luftë

Nga A2 CNN
12 Nëntor 2024, 13:31 | Bota

Rreth 2000 të vdekur në një ditë, Ukraina raporton shifra

Ukraina pretendon se Rusia ka humbur një numër rekord trupash për të dytën ditë radhazi në luftë.

Mediat e huaja bëjnë të ditur se sipas përditësimit të fundit nga shtabi i përgjithshëm i forcave të armatosura të Ukrainës, Moska humbi 1,950 burra dje, duke tejkaluar rekordin e një dite më parë prej 1,770 personash.

Para kësaj, humbja e fundit rekord prej 1,740 trupash ishte raportuar në maj të këtij viti.

Shifrat nuk bëjnë dallim midis trupave të vrarë ose të plagosur, megjithëse konsensusi i përgjithshëm është se ai përfshin ushtarë të vdekur, të plagosur, të zhdukur dhe të kapur.

Ndërkohë Kremlini nga ana e tij, nuk bën të ditur numrin e të vdekurve dhe të plagosurve, shkruan A2 CNN. (A2 Televizion)

A2 CNN Livestream

Latest Videos