Të paktën 10 persona janë vrarë pasi një vullkan shpërtheu në Indonezinë lindore në orët e para të së hënës, thanë zyrtarët.
Sipas mediave të huaja, vullkani në malin Lewotobi Laki-laki, i ndodhur në ishullin Flores në provincën Lindore Nusa Tenggara, shpërtheu në orën 23:57 me kohën lokale, sipas Qendrës Indoneziane për Vullkanologjinë dhe Zbutjen e Fatkeqësive Gjeologjike (PVMG).
Hadi Wijaya, një zëdhënës i PVMG, tha se llava e zjarrtë dhe gurët kishin goditur fshatrat rreth 4 km (dy milje) nga krateri, duke djegur dhe dëmtuar shtëpitë e banorëve.
Sipas zyrtarëve lokalë, shpërthimi ka prekur shtatë fshatra.
PVMG tha se zjarret "kanë ndodhur në zona të banuara për shkak të nxjerrjes së materialit inkandeshent" nga vullkani.
Ai ka ngritur nivelin më të lartë të alarmit pas vullkanit, duke paralajmëruar se një rreze prej 7 km (katër milje) nga krateri duhet të pastrohet, shkruan A2 CNN.
"Ne kemi filluar evakuimin e banorëve që nga mëngjesi i sotëm në fshatra të tjerë që ndodhen rreth 20 km (13 milje) nga krateri," tha zyrtari lokal Heronimus Lamawuran për Reuters. (A2 Televizion)
A2 CNN Livestream
MUND TE LEXONI GJITHASHTU
