Stoltenberg rrëzon mundësinë e armëve bërthamore në Poloni: NATO nuk ka asnjë plan

Nga A2 CNN
23 Prill 2024, 22:20 | Bota

Stoltenberg rrëzon mundësinë e armëve bërthamore

Gjatë vizitës së tij në Poloni, Sekretari i Përgjithshëm i NATO-s, Jens Stoltenberg, është shprehur se nuk ka asnjë plan për të zgjeruar programin bërthamor në vende të tjera të Aleancës.

Kjo deklaratë e tij ka ardhur pasi presidenti i Polonisë, Andrej Duda, deklaroi një ditë më herët se ishin të gatshme t’i hapnin dyert një mundësie të tillë, nëse aleanca do të vendosë të përforcojë kahun e vet lindor.

Për këtë vendim, ai citoi kërcënimet në rritje që vijnë nga Rusia, e cila siç tha po intensifikon militarizimin e Kaliningradit dhe ka dislokuar armë bërthamore në Bjellorusi.

Ndërkohë nuk vonoi as reagimi i Moskës, ku Agjencia shtetërore e lajmeve Sputnik deklaroi se NATO shtonte rrezikun e një konflikti bërthamor globale. Sakaq, zëdhënësi i Kremlinit Dmitri Peskov paralajmëroi më herët me veprime hakmarrëse.

A2 CNN Livestream

Ditari nga Denisa Pasholli