Deri në 10,000 ushtarë mund të vendosen në kufirin SHBA-Meksikë, sipas një memo të qeverisë amerikane të marrë nga CBS News.
Sipas mediave të huaja, të hënën, Presidenti Donald Trump nënshkroi një sërë urdhrash ekzekutivë - një prej tyre për imigracionin.
Ai e shpalli emigracionin e paligjshëm në kufirin SHBA-Meksikë një emergjencë kombëtare dhe tha se planifikonte të dërgonte trupa amerikane për të ndihmuar agjentët e imigracionit dhe për të kufizuar refugjatët.
Duke vepruar kështu, ai anuloi disa urdhra imigracioni nga Presidenca Biden, duke përfshirë një që ngushtonte prioritetet e dëbimit për njerëzit që kryejnë krime të rënda, shkruan A2 CNN.
Dje, Shtëpia e Bardhë tha se ushtria amerikane do të dërgojë 1500 trupa shtesë në detyrë aktive në kufirin me Meksikën.
Tani, një memo e Doganave dhe Mbrojtjes së Kufirit të parë nga CBS, tregon se ka një plan për të dërguar 10,000 ushtarë në kufirin jugor.
Memorandumi gjithashtu thotë se Departamenti i Mbrojtjes "mund" t'i shndërrojë bazat e tij në "objekte mbajtëse".
(A2 Televizion)
A2 CNN Livestream
MUND TE LEXONI GJITHASHTU
