Zelensky apel Gjermanisë për ndihmë, Papa: Selia e Shenjtë po ndërmjetëson shkëmbimin e pengjeve

Nga A2 CNN
29 Janar 2024, 07:36 | Bota

Zelensky apel Gjermanisë për ndihmë, Papa: Selia e Shenjtë

“Selia e Shenjtë po përpiqet të ndërmjetësojë për shkëmbimin e të burgosurve dhe kthimin e civilëve ukrainas”. Kështu është shprehur Papa Françesku në një intervistë për "La Stampa" për luftën në Ukrainë.

"Në veçanti po punojmë me znj. Maria Llova Belova, komisioneren ruse për të drejtat e fëmijëve për riatdhesimin e fëmijëve ukrainas të sjellë me forcë në Rusi. Disa tashmë janë kthyer në familjen e tyre", deklaroi ai.

Ndërkohë presidenti ukrainas, Volodymyr Zelenskyy, i bëri thirrje Berlinit që të mbledhë partnerët e BE-së për t'i ofruar vendit të tij më shumë ndihmë, mes shqetësimeve në rritje se ndihma nga SHBA-ja, kontribuesi më i madh, mund të përfundojë.

Presidenti i SHBA-së, Joe Biden, përballet me një bllokadë republikane për mbështetjen e mëtejshme për Ukrainën.

Duke iu përgjigjur pasigurisë, Zelenskyy i tha transmetuesit publik gjerman ARD se shumica e politikanëve amerikanë mbështesin Kievin dhe se rezistenca ndaj ndihmës vinte thjesht nga "republikanët individualë".

Megjithatë, ai bëri presion për më shumë veprime nga Berlini.

Ndërkohë, një raketë ruse goditi një zonë industriale në rrethin qendror të Ukrainës, Kremenchuk, tha guvernatori rajonal.

Do të informohesh i pari?
Shkarko aplikacionin tonë:
Android ~ iOS

A2 CNN Livestream

Ditari nga Loneta Progni