Sondazh: Cilat janë faktorët më të rëndësishëm për zhvillimin e një fëmije?
  • Edukimi shkollor 6%
  • Kujdesi familjar 83%
  • Ndikimi i shoqërisë 11%

Gjenden mbetjet mortore të 6 personave në Kosovë

Nga A2 CNN
24 Nëntor 2023, 19:18 | Kosova

Gjenden mbetjet mortore të 6 personave në Kosovë

Mbetjet mortore të 6 personave janë gjetur ditët e fundit gjatë kërkimeve në një zonë në Prekaz të Poshtëm të Skenderajt në Kosovë.

Sipas të dhënave paraprake, mendohet se mbetjet mortore i përkasin personave të zhdukur gjatë luftës në Kosovë. Më datë 9 nëntor janë gjetur skelete të tre trupave, ndërsa më 20, 21 dhe 24 nëntor janë gjetur mbetje mortore edhe të tre personave të tjerë.

“Gjatë gërmimeve-kërkimeve, janë hasë disa mbetje mortore (gjetje eshtërore) që dyshohet të jenë të disa personave nga lufta e fundit. Më datë, 09 nëntor 2023 janë gjetur skelete të tre trupave. Hulumtimet kanë vazhduar edhe ditëve në vazhdim, kështu me 20, 21 dhe 24 nëntor 2023 janë hasur gjetje edhe të tre personave të tjerë. Pra, gjatë gërmimeve në këtë lokacion janë gjetur dhe më pas janë tërhequr nga ekipet e Institutit të Mjekësisë Ligjore gjithsej trupa (gjetje eshtërore) të 6 (gjashtë) personave që dyshohet të jenë trupa të zhdukur gjatë luftës së fundit”, thuhet në njoftimin e policisë.

A2 CNN Livestream

Ditari nga Bruna Çifligu