Sondazh: Preferoni që emri i fëmijës tuaj të jetë:
  • Tradicional 42%
  • Modern 8%
  • I trashëguar 8%
  • Unik 42%

Paralajmërimet për pasoja, Kosova ka nevojë për mbështetjen amerikane në konsolidimin e shtetësisë

Nga Ideal Gola
13 Shkurt 2024, 20:15 | Politikë

Paralajmërimet e të dërguarit të Shteteve të Bashkuara për Ballkanin Perëndimor, Gabriel Escobar e më herët edhe të ambasadorit Hovenier, për pasoja për Kosovën, pas vendimit për ndalimin e qarkullimit të dinarit, konsiderohen si serioze.

Megjithëse në Prishtinë nuk presin nga Uashingtoni sanksione sikurse ato të Bashkimit Evropian, mungesa e mbështetjes në konsolidimin e shtetit të Kosovës shihet si goditje e rëndë.

“Sanksione klasike, ekonomike, mendoj se nuk do të ketë megjithatë mendoj se shumë më të dëmshme se këto sanksionet ekonomike e ndalja e mbështetjes financiare do të ishte mospërkrahja e Kosovës në arenën ndërkombëtare, qoftë në anëtarësimin në organizata të ndryshme ndërkombëtare e po ashtu në shtimin e njohjeve”, tha Fidan Ukaj, analist.

Bashkëpunimi e bashkërendimi i veprimeve të institucioneve të Kosovës me Shtetet e Bashkuara konsiderohet i rëndësishëm pasi qëllimi final është i njëjtë.

“Mendoj se aq sa është interes i kryeministrave e liderëve të Kosovës është interes edhe i aleatit tonë strategjik që Kosova të jetë një shtet i fuqishëm ekonomikisht e po ashtu edhe të jetë grantues i sigurisë se vetë, kështu që është një qasje e gabuar qasja e kryeministrit në këtë rast”, shtoi ai.

Shtetet e Bashkuara kanë qenë të zëshme në kërkesen për shtyrjen e zbatimit të vendimit të BQK-së për ndalimin e dinarit serb në territorin e Kosovës.

A2 CNN Livestream

Ditari nga Denisa Pasholli