Sondazh: Cilat janë aktivitetet tuaja gjatë fundjavës?
  • Sport 13%
  • Me miqtë dhe familjen 53%
  • Rri në shtëpi 33%

“Lekë ose do hap profile fals në TikTok me foto të familjarëve të tu”, arrestohet 32-vjeçari që kërcënoi të riun në Elbasan

Nga A2 CNN
6 Janar 2024, 13:41 | Aktualitet

“Lekë ose do hap profile fals në TikTok me foto të

TikTok është shndërruar një rrjet social i cili kurrsesi nuk ka për qëllim argëtimin, por tashmë po përdoret për të kërcënuar persona të ndryshëm për qëllime të ndryshme.

Pas ngjarjes së regjistruar në Durrës, ku një 41-vjeçare vra veten pasi i hapën profile me sharje denigruese, në Elbasan një 32-vjeçar ka kërcënuar një të ri, se nëse nuk do i jepte para do i hapte profile fals me fotot e familjarëve të tij. Në pranga ka rënë A. S., 32 vjeç, banues në Elbasan.

32-vjeçari ka shantazhuar për disa muaj, nëpërmjet rrjetit social "Tik-Tok", një 29-vjeçar, se nëse ky i fundit nuk do t’i jepte para, 32-vjeçari do t’i përdorte fotografitë e 29-vjeçarit dhe të familjarëve të tij, për të krijuar profile false në rrjetet sociale. Për fat, ai është vënë në pranga për veprën penale "Shtrëngimi me anë të kanosjes ose dhunës për dhënien e pasurisë".

"DVP Elbasan/Në zbatim të masave të përcaktuara në planin operacional kombëtar "Sundimi i ligjit", organizohet dhe finalizohet nga Seksioni për Hetimin e Krimeve kundër Personit dhe Pasurisë, operacioni policor i koduar "Gjobvënia".

Kanosi për disa muaj, një 29-vjeçar, në rrjetet sociale, për të përfituar prej tij shuma parash, që të mos i keqpërdorte fotot e tij dhe të familjarëve, kapet dhe vihet në pranga 32-vjeçari.

Sekuestrohen 2 celularë.

Në zbatim të masave të përcaktuara në planin operacional kombëtar të koduar "Sundimi i ligjit" dhe si rezultat i administrimit të menjëhershëm të informacionit se një shtetas ishte kanosur nëpërmjet rrjeteve sociale, për dhënie pasurie, shërbimet e Policisë kanë organizuar punën në kuadër të operacionit policor të koduar "Gjobvënia", të ndjekur me metoda proaktive, për identifikimin, kapjen dhe vënien përpara përgjegjësisë ligjore të autorit të këtij rasti.

Si rezultat i veprimeve të shpejta hetimore dhe operacionale, specialistët për Hetimin e Krimeve kundër Personit dhe pasurisë, në bashkëpunim me shërbimet e Forcës Operacionale të DVP Elbasan, kanë kapur dhe ndaluar shtetasin A. S., 32 vjeç, banues në Elbasan, për veprën penale "Shtrëngimi me anë të kanosjes ose dhunës për dhënien e pasurisë".

32-vjeçari ka shantazhuar për disa muaj, nëpërmjet rrjetit social "Tik-Tok", një 29-vjeçar, se nëse ky i fundit nuk do t’i jepte para, 32-vjeçari do t’i përdorte fotografitë e 29-vjeçarit dhe të familjarëve të tij, për të krijuar profile false në rrjetet sociale.

Në cilësinë e provës materiale u sekuestruan 2 celularë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme", thuhet në njoftim.

A2 CNN Livestream

Debat - nga Alba Alishani