U përjashtua nga sistemi i drejtësisë, Alfred Balla: Vendim i turpshëm

Nga A2 CNN
21 Maj 2024, 19:32 | Aktualitet

U përjashtua nga sistemi i drejtësisë, Alfred Balla: Vendim i

Ish-kreu i Këshillit të Lartë të Prokurorisë, Alfred Balla e cilësoi të turpshëm vendimin e Kolegji i Posaçëm i Apelimit i cili vendosi ta përjashtojë nga sistemi i drejtësisë për 15 vite.

Sipas ish-kreut të KLP, nuk është një vendim shkarkimi, pasi nuk është bërë hetim administrativ ndaj tij.

“Edhe pse shpresova se nuk do të ndikohej, sot KPA-ja (shumica) mori një vendim të turpshëm që të ndërpresë pa një vendim përfundimtar vetingun tim si ish-këshilltar ligjor në Gjykatën e Lartë ku kam punuar para 8 vitesh, duke e shoqëruar edhe me ndalesat e nenit “G” të Aneksit të Kushtetutës, të cilat u vihen vetëm atyre që dorëhiqen ose shkarkohen nga detyra ku nuk ishte asnjë rast për mua.

Ky vendim më la shije jo të mirë edhe pse nuk ka lidhje me statusin tim aktual në KLP, si i zgjedhur nga Parlamenti nga radhët e shoqërisë civile dhe jo si magjistrat.

Për sqarim, ky nuk është një vendim shkarkimi, pasi nuk është bërë hetim administrativ ndaj meje. Në bazë të këtij vendimi, në të ardhmen nuk mund të kandidoj për vende të caktuara, kuptohet deri sa të shprehet GJEDNJ.

Më keq me vjen për avokaten time, që kishte bindjen se çështja ishte e fituar, nisur nga gjithë praktika e vetë KPA-së”, shkruan Balla.

Do të informohesh i pari?
Shkarko aplikacionin tonë:
Android ~ iOS

A2 CNN Livestream

Ditari nga Erion Dushi