Për t’u paraprirë ngjarjeve të rënda të cilat kanë përfshirë vendin vitet e fundit sidomos gjatë sezonit të verës, por dhe për të shtuar sigurinë, bizneset duhet të zotërojnë kontratën e sigurimit. Vendimi i publikuar në Fletoren Zyrtare është detyrues për të gjitha bizneset.
“Të gjitha kategoritë e operatorëve ekonomikë, sipas këtij vendimi, do të jenë përgjegjëse për të përmbushur detyrimin për të lidhur kontratën e sigurimit të përgjegjësisë civile, si dhe për rinovimin e saj pa shkëputje, përgjatë të gjithë periudhës së shfrytëzimit të pajisjeve/instalimeve nën presion.”, shprehet drejtori i zjarrfikëses Tiranë, Shkëlqim Goxhaj.
Kanë qenë jo të pakta shpërthimet e bombolave që kanë marrë edhe jetë njerëzish. Ndaj ky vendim mirëpritet nga institucionet kontrolluese të tregut. Drejtori i zjarrfikëses Tiranë, Shkëlqim Goxhaj tregon jo vetëm edhe rastet, por dhe produktet që paraqesin më shumë rrezikshmëri si pasojë e mossigurimit të pajisjeve.
"Rrezik paraqesin edhe bombolat mbi 5 litërshe që i përdorim në shtëpi apo biznese. Gjithashtu të detyrueshme për t’ju nënshtruar sigurimit janë edhe kaldajat e avullit, pajisjet e cilësuara nën presion, ato për gazrat teknik hidrogjen e oksigjen, stacionet e hidrokarbureve, si dhe linjat teknologjike e pajisjet për shuarjen e zjarrit.", vijon Goxhaj.
Sigurimi i detyrueshëm do të kryhet vetëm pasi operatori ekonomik ka regjistruar pajisjen/instalimin nën presion pranë Inspektoratit Shtetëror Teknik dhe Industrial. Ky institucion do të duhet të kryejë edhe inspektime në mënyrë që të garantohet Zbatimi i rregullave të reja nga subjektet. (A2 Televizion)
A2 CNN Livestream
MUND TE LEXONI GJITHASHTU
