Sherr mes turisteve në Himarë, 60-vjeçarja gjermane shtyn nga shkallët 54-vjeçaren amerikane

Nga A2 CNN
22 Prill 2024, 15:17 | Kronikë
Sherr mes turisteve në Himarë, 60-vjeçarja gjermane shtyn nga
Foto ilustruese

Mëngjesin e sotëm në Lukovë, dyshohet se gjatë një konflikti të çastit, një 60-vjeçare gjermane (dyshohet se vuan nga shëndeti mendor) ka shtyrë nga shkallët, një 54-vjeçare amerikane.

Të dyja turistet banonin në dy apartamente pushimi, me qira, në objektin ku ka ndodhur konflikti. Turistja amerikane është transportuar në spitalin e Vlorës, për ndihmë mjekësore, ndërsa 60-vjeçarja gjermane është shoqëruar për trajtim mjekësor, në spitalin psikatrik të Vlorës.

Grupi hetimor po punon për sqarimin e plotë të rrethanave të ngjarjes. Për këtë rast janë njoftuar edhe ambasadat përkatëse.

“Mëngjesin e sotëm, në Lukovë, dyshohet se gjatë një konflikti të çastit, shtetasja gjermane E. H., 60 vjeçe (dyshohet se vuan nga shëndeti mendor) ka shtyrë nga shkallët, shtetasen amerikane T. P., 54 vjeçe. Këto dy shtetase banonin në dy apartamente pushimi, me qira, në objektin ku ka ndodhur konflikti”, thuhet në njoftimin e policisë.

A2 CNN Livestream

Ditari nga Erion Dushi