U përfshi në vrasje në vitin 2009, policia identifikon autorin e pestë

Nga A2 CNN
23 Qershor 2024, 09:06 | Kronikë

U përfshi në vrasje në vitin 2009, policia identifikon autorin e

Identifikohet një tjetër autor i përfshirë në një vrasje të ndodhur në vitin 2009, ngjarje për të cilën janë arrestuar më parë 4 shtetas, njëri prej të cilëve është ekstraduar nga Anglia dy muaj më parë.

Sektori për Hetimin e Krimeve të Rënda në DVP Elbasan në drejtimin e Prokurorisë së Juridiksionit të Përgjithshëm Elbasan si rezultat i hetimeve intensive proaktive për zbardhjen e ngjarjeve kriminale të ndodhura më parë, si edhe identifikimin e shtetasve të përfshirë në to, identifikuan dhe shpallën në kërkim shtetasin G. B., 50 vjeç, banues në Elbasan. Gjykata e Rrethit Gjyqësor Elbasan, ka caktuar ndaj këtij shtetasi masën e sigurisë "Arrest në burg", për veprën penale "Vrasja me paramendim", kryer në bashkëpunim dhe "Mbajtja pa leje dhe prodhimi i armëve, armëve shpërthyese dhe municionit".

Shtetasi G. B. dyshohet se në bashkëpunim me shtetasit A. Ll., M. T., F. Sh. (të arrestuar) dhe D. H., (i ekstraduar nga Anglia 2 muaj më parë), kanë vrarë shtetasin R. R. në vitin 2009, në Elbasan.

 

 

Do të informohesh i pari?
Shkarko aplikacionin tonë:
Android ~ iOS

A2 CNN Livestream

Debat nga Alba Alishani