Plot 4 mijë rrënjë kanabis janë zbuluar nga policia në bodrumin e një magazinë në fshatin Kurtaj, njësia administrative Gjocaj e Peqinit.
Sipas policisë, magazina ku kultivohej drogë i përket Bilal Hasës, i cili mban postin e drejtorit të Burgut të Rrogozhinës.
Menjëherë pas lajmit, Drejtoria e Përgjithshme e Burgjeve njoftoi se ka pezulluar nga detyra Hasën, deri në zbardhjen e plotë të ngjarjes nga organet kompetente.
Bilal Hasa më parë ka mbajtur edhe detyrën e kreut të Njësisë Administrative Gjocaj në Peqin, shkruan A2.
Policia njofton se gjatë operacionit janë sekuestruar 4 mijë bimë kanabis, llamba, neonë dhe pajisje të tjera elektrike në magazinën e përshtatur si shtëpi bari.
Ndërkohë, pronari i ambientit ku kultivohej droga, Bilal Hasa është shpallur në kërkim nga policia, së bashku me përgjegjësin e OSHEE-së për Peqinin, ky i fundit akuzohet për shpërdorim detyre.
Pasditen e së enjtes, Bilal Hasa u vetëdorzua në polici. (A2 Televizion)
A2 CNN Livestream
MUND TE LEXONI GJITHASHTU
