Sondazh: Sa prezent është aktiviteti fizik në përditshmërinë tuaj?
  • Çdo ditë 46%
  • Tre herë në javë 18%
  • Vetëm në fundjavë 4%
  • Asnjëherë 32%

Begaj pret Fidan: Turqia partner i natyrshëm dhe historik

Nga A2 CNN
29 Janar 2024, 17:32 | Politikë

Begaj pret Fidan: Turqia partner i natyrshëm dhe historik

Presidenti i Republikës, Bajram Begaj zhvilloi një takim me Ministrin e Jashtëm të Turqisë, Hakan Fidan, i cili po zhvillon një vizitë në Tiranë, me të cilin bisedoi për marrëdhëniet mes dy vendeve, forcimin e tyre, dhe zhvillimet rajonale.

Kreu i Shtetit deklaroi se Shqipëria dhe Turqia janë partnerë strategjike dhe kanë një miqësi tradicionalisht shumë të mirë. Ai i shprehu diplomatit Fidan falënderimet për ndihmën që Turqia i ofroi Shqipërisë në procesin e rindërtimit pas tërmetit, por edhe për investimet e tjera në vendin tonë.

Për sa u përket zhvillimeve në Ballkan, Presidenti Begaj vlerësoi: “Bashkëpunimi rajonal dhe marrëdhëniet e fqinjësisë së mirë janë shtylla të rëndësishme për politikën shqiptare, që garantojnë paqe, siguri, stabilitet demokratik në rajon, si dhe janë parakushte për integrimin e rajonit në Bashkimin Evropian”.

Presidenti e vlerësoi rolin dhe kontributin e Turqisë në Ballkanin Perëndimor si një partner i natyrshëm e historik për paqen dhe sigurinë e rajonit.

Gjithashtu, ai e vlerësoi mbështetjen që Turqia jep për integrimin e Kosovës në organizmat rajonale dhe globale, si dhe lobimet e saj të fuqishme për njohjen e mëtejshme të Kosovës.

A2 CNN Livestream

Ditari nga Erion Dushi