Ish-presidenti i Shqipërisë Ilir Meta i ka dërguar një mesazh të qartë presidentin të SHBA, Joe Biden nga i cili kërkon që Shtetet e Bashkuara të mos heqin nga vëmendje Shqipërinë dhe Ballkanin Perëndimor.
Meta, i cili ishte president i Shqipërisë nga viti 2017 deri në 2022 dhe tani drejton Partinë e Lirisë, shfaqet i shqetësuar se Shtetet e Bashkuara po harrojnë një nga aleatët e tyre më të rëndësishëm evropianë dhe NATO.
Në një intervistë ekskluzive në Fox News Digital, ish-presidenti tha se Ballkani "po vuan nga status quo" dhe se aktorë të jashtëm si Rusia janë përpjekur të pengojnë integrimin e rajonit në BE dhe anëtarësimin në NATO.
“Ata kërkojnë të krijojnë një vakum që duhet mbushur për ta për të minuar vlerat dhe themelet europiane”, tha Meta.
Sipas Fox, Shqipëria, një vend marksist autoritar me marrëdhënie të hidhura me SHBA-në gjatë Luftës së Ftohtë, është një nga vendet më pro-SHBA në Evropë dhe ka një komunitet të madh të diasporës në Shtetet e Bashkuara. Por vëmendja që merr Shqipëria nga Presidenti Biden dhe politikëbërësit perëndimorë është pak për një vend që lufton të konsolidojë demokracinë e tij.
Ish-presidenti Meta paralajmëroi për rreziqet e nismës “Ballkani i Hapur”, një propozim që do të lehtësonte një fluks më të lirë të njerëzve dhe mallrave në të gjithë Ballkanin, që në pamje duket se do të përfitonte rajonin. Por Meta e quajti nismën një "alternativë kundër integrimit evropian" dhe ka frikë se do të forcojë regjimet hibride si Serbia që do të minojnë zgjedhjet e lira dhe të ndershme, do të eliminojnë pluralizmin politik dhe do të synojnë median dhe lirinë e fjalës.
(A2 Televizion)
A2 CNN Livestream
MUND TE LEXONI GJITHASHTU
