Sondazh: Cilat janë faktorët më të rëndësishëm për zhvillimin e një fëmije?
  • Edukimi shkollor 11%
  • Kujdesi familjar 84%
  • Ndikimi i shoqërisë 5%

Milan “djall” në Kupën e Italisë, kap çerekfinalen me poker ndaj Cagliari

Nga Erald Kodhelaj
3 Janar 2024, 12:11 | Futboll

Me katër adoleshentë nga minuta e parë në fushë, Milani mposhti 4-1 Cagliari-n dhe u kualifikua në çerekfinalet e Kupës së Italisë. Zgjedhjet e detyruara teknike, për shkak të dëmtimeve të shumta, nuk e lanë në baltë Piolin.

Në ndeshjen që nisi menjëherë e hapur dhe me raste, kuqezinjtë arritën të zhbllokonin rezultatin në minutën e 29-të me Joviç, që shfrytëzoi harkimin e Theo Hernandez.

E njëjta tablo u përsërit edhe në fundin e pjesës së parë, me francezin që u shkëput në mënyrë të pabesueshme dhe i shërbeu Joviç topin për golin e dytë personal.

Milani nuk humbi kohë dhe mbylli virtualisht ndeshjen në të 50-ën, me të riun Chaka Traorè që trefishoi avantazhin. Edhe në këtë rast, portieri i Cagliari-t mund të kishte bërë padyshim diçka më tepër.

Miqtë shënuan golin e nderit me Azzi në të 88-ën, por kundërpërgjigjja e kuqezinjve ishte e shpejt, me Leao që në shtesë realizoi golin e katërt për “Djallin”.

Milani e nisi vitin 2024 në mënyrën më të mirë. Edhe pse nuk kishte përballë një kundërshtar të fort, apo luhej për trofeun e dytë për nga rëndësia, kjo ishte një pikënisje mjaft e mirë për gjysmën e mbetur të sezonit.

A2 CNN Livestream

Ditari nga Erion Dushi