Atalanta ka arritur një fitore të thellë 5-0 kundër Hellas Veronës në Stadio Marcantonio Bentegodi, falë një performance të shkëlqyer nga Mateo Retegui, i cili shënoi katër gola, përfshirë një tripletë në pjesën e parë.
Kjo fitore erdhi pas një periudhe të vështirë për Atalantën, që kishte fituar vetëm një herë në gjashtë ndeshjet e fundit të kampionatit, ku kishte regjistruar 4 barazime dhe 1 humbje
Atalanta e nisi ndeshjen me ritëm të shpejtë dhe dominim të qartë. Ata kaluan në epërsi pas 21 minutash, kur Charles De Ketelaere goditi shtyllën, ndërsa Retegui ishte në vendin e duhur për të shënuar golin e parë nga një rebound.
Katër minuta më pas, ai shënoi golin e dytë me një goditje të bukur nga e majta, ndërsa Ederson shtoi një gol tjetër për Atalantën në minutën e 37-të.
Retegui e mbylli tripletën e tij të dytë të sezonit me një goditje të fuqishme në fund të pjesës së parë. Në minutat e para të pjesës së dytë, ai shënoi edhe golin e katërt, pas një asistimi të Marten De Roon.
Verona pati një mundësi për të shënuar, por goditja e Jackson Tchatchoua u ndal nga një pritje e shkëlqyer e Rui Patrício.
Kjo fitore e rëndësishme e mban Atalantën vetëm 4 pikë larg liderëve të kampionatit, Napoli, ndërsa Verona vazhdon të rrezikojë në zonën e rënies nga kategoria. (A2 Televizion)
A2 CNN Livestream
MUND TE LEXONI GJITHASHTU
