Poker golash dhe spektakël edhe për Romën. Verdhekuqtë shkatërruan Bighton me shifrat 4-0, rezultat që në fillim të sfidës dukej tejet i vështirë që të ndodhte.
Me këtë triumf, skuadra e De Rosit hipotekoi kualifikimin në çerekfinalet e Europa League vetëm pas 90 minutave të para të duelit.
Romën e ndihmoi edhe fati, sepse shtylla evitoi golin e avantazhit të Brighton me Adingra. Ai episod shërbeu që t’i zgjonte italianët, të cilët zhbllokuan ndeshjen me Dybala në të 13-ën, ndërsa Lukaku dyfishoi shifrat përpara pushimit të lojës.
Në pjesën e dytë, skuadra e De Zerbit provoi të reagonte, por u godit edhe dy herë të tjera në harkun e katër minutave, me golat e Mancinit dhe Cristantes, që mbyllën sfidën dhe praktikisht i dhuruan Romës kalimin më tej. (A2 Televizion)
A2 CNN Livestream
MUND TE LEXONI GJITHASHTU
