Sulmuesi shqiptar Myrto Uzuni i dha fitoren Granadës në minutën e 89-të kundër Eldense, duke siguruar tre pikë të rëndësishme në një ndeshje dramatike, shkruan A2 CNN.
Skuadra e tij po fitonte 2-0 në pjesën e parë, por u barazua nga miqtë. Megjithatë ishte shqiptari që shpëtoi skuadrën e tij dhe i dërgoi një mesazh të qartë trajnerit të kombëtares Slyvinho, në prag të dy ndeshjeve vendimtare në Nations League.
Granada kaloi në avantazh në pjesën e parë me një gol nga penalltia i realizuar nga Uzuni dhe më pas Boyé shënoi golin e dytë me një goditje të fuqishme nga jashtë zonës.
Megjithatë, Eldense ishte më komod në fushë, duke kontrolluar mesfushën dhe duke sulmuar vertikalisht. Pas pushimit, Eldense barazoi brenda pak minutash, duke shtuar tensionin në stadiumin Nuevo Los Cármenes, ku tifozët u shfaqën të zhgënjyer me performancën e ekipit të tyre.
Në minutat e fundit, me mbështetjen e tifozëve, Granada u hodh në sulm për të kërkuar fitoren, dhe Uzuni shënoi golin vendimtar. Ky triumf mban Granadën në garë, ndërsa Eldense, pavarësisht lojës së mirë, mbetet në zonën e rënies nga kategoria. (A2 Televizion)
A2 CNN Livestream
MUND TE LEXONI GJITHASHTU
