Tirana e volejbollit për meshkuj edhe këtë sezon është e ndërtuar për objektiva maksimale. Bardheblutë po dominojnë në parket, ndërsa skuadrës i janë shtuar dhe tre lojtarë të huaj që mund të bëjnë diferencën me ekipet e tjera.
Këtë javë, djemtë e Arben Sakos përballen me Partizanin në derbin e kryeqytetit. Në takimin e vlefshëm për Kupën e Shqipërisë, trajneri bardheblu thekson se pavarësisht rivalitetit, ekipi bardheblu gjithmonë futet në lojë për ta fituar ndeshjen.
Edhe kapiteni i skuadrës, Ledion Martiro, u shpreh se ambiciet e Tiranës edhe këtë sezon mbeten të njëjta, të japë maksimumin dhe të fitojë çdo trofe.
Derbi Partizani-Tirana luhet këtë të shtunë, në orën 17:00, në pallatin e sportit “Asllan Rusi”. (A2 Televizion)