Sulmuesi i Chelsea bën dedikimin special, Rama: Rrofsh o “King”, mezi të presim

Nga A2 CNN
9 Mars 2023, 17:48 | Futboll

Sot kryeministrit shqiptar Edi Rama i ka ardhur një dhuratë e veçantë nga Londra. Bëhet fjalë për një fanellë të Chelsea me dedikim të personalizuar.

Natyrisht, dedikimi në shqip nuk mund të vinte nga askush tjetër se sa nga sulmuesi i talentuar Armando Broja.

“Për Edi Ramën, faleminderit për gjithçka bëni për Shqipërinë”, shkruante dedikimi i djaloshit me origjinë nga Malësia e Madhe, por lindur në afërsi të Londrës.

Nuk mund të mungonte përgjigja e Ramës, që duke postuar një foto të dedikimit shkruan “rrofsh king dhe mezi presim të kthehesh në fushë”.

Talenti shqiptar u dëmtua seriozisht në gju në një miqësore kundër Aston Villa në dhjetorin e kaluar, pikërisht kur mendohej se do të merrte më shumë minuta si titullar te gjigantët e Premier League.

Mjekët përcaktuan se sezoni ishte i mbyllur për shqiptarin 21-vjeçar, i cili pas ndërhyrjes kirurgjikale tashmë po stërvitet për t’u rikthyer fuqishëm në sezonin e ardhshëm.  

https://a2news.com/2023/01/09/puna-do-te-ndahet-ne-dy-pjese-sylvinho-uroj-qe-broja-dhe-bare-te-kthehen-sa-me-pare/

Do të informohesh i pari?
Shkarko aplikacionin tonë:
Android ~ iOS

A2 CNN Livestream

Ditari nga Erion Dushi