Autoritetet në Katalonja do të sakrifikojnë mijëra tonë peshk në një rezervuar me qëllimin e vetëm për të ruajtur cilësinë e ujit, pas thatësirës ekstreme që ka përfshirë rajonin.
Varka peshkimi janë parë duke lundruar pranë tokës së plasaritur të rezervuarit Sau duke përdorur rrjetat e tyre për të kapur tonelata peshqish që autoritetet lokale thonë se do të luftonin për të mbijetuar në ujin me pak oksigjen në rezervuarin që po thahet.
Masa synon të minimizojë rrezikun e kontaminimit të ujit të pijshëm të mbetur në Sau në rast të një ngordhjeje masive të peshkut pasi nivelet e oksigjenit po bien për shkak të përqendrimit të kafshëve në ujërat e pakta që kanë mbetur në rezervuar.
Qeveria rajonale planifikon të transferojë sa më shumë ujë të jetë e mundur në rezervuarin e Susqueda për të garantuar furnizimin e një milion njerëzve deri në tre muaj.
Niveli në rezervuarët e Katalonjës nxiti aktivizimin e një plani të jashtëzakonshëm për të kufizuar përdorimin e ujit në kopshte private dhe për të reduktuar deri në 40 për qind përdorimin në bujqësi. (A2 Televizion)
A2 CNN Livestream
MUND TE LEXONI GJITHASHTU
