Sondazh: Sa prezent është aktiviteti fizik në përditshmërinë tuaj?
  • Çdo ditë 43%
  • Tre herë në javë 21%
  • Vetëm në fundjavë 7%
  • Asnjëherë 29%

Tre vullkane të reja zbulohen në shtratin e detit, në ngushticën e Siçilisë

Nga A2 CNN
8 Gusht 2023, 19:47 | Bota
Tre vullkane të reja zbulohen në shtratin e detit, në

Tre vullkane të mëdha, të fjetur dhe rrënojat e një anije janë zbuluar në shtratin e detit të Siçilisë, në zonën detare midis Mazara del Vallo dhe Sciacca, gjatë një ekspedite shkencore të koordinuar bashkërisht nga Universiteti i Maltës dhe Instituti Kombëtar i Oqeanografisë dhe Gjeofizikës Eksperimentale të Triestes.

Në të njëjtën zonë, gjatë një fushate të mëparshme në vitin 2019, tashmë ishin identifikuar vullkane të tjerë të fjetur në dyshemenë e detit.

Krateret e sapo zbuluara, sipas mediave italiane janë të paktën 6 kilometra të gjerë dhe ngrihen më shumë se 150 metra mbi shtratin e detit.

Gjatë ekspeditës, e cila zgjati nga 16 korriku deri më 5 gusht, u identifikua edhe rrënoja e një anije 100 metra të gjatë dhe 17 metra të gjerë, e shtrirë në një thellësi prej 110 metrash midis ishullit vullkanik Linosa dhe Siçilisë.

Pozicioni i saj i është raportuar autoriteteve detare italiane, teksa studiuesit më pas analizuan fenomene të ndryshme hidrotermale.

Ekspedita shkencore ndërkombëtare u zhvillua në bordin e një anijeje gjermane, Meteor. Hulumtuesit, duke përdorur një zhurmues me shumë rreze, kanë eksploruar shtratin e detit në sektorë të ndryshëm të Kanalit Siçilian, ende kryesisht të panjohur, për të rindërtuar morfologjinë e tij.

Nga vullkane të ndryshme nënujore u mblodhën mostra shkëmbi si lava dhe depozitime piroklastike, të cilat do të analizohen në muajt në vijim dhe do të japin indikacione për moshën e vullkaneve dhe karakteristikat e magmës.

"Ky informacion do të jetë thelbësor për rindërtimin e historisë gjeologjike të një prej rajoneve më komplekse të Mesdheut qendror, ku duke filluar nga rreth 4-5 milionë vjet më parë, një sistem llogoresh të thella u zhvilluan në sajë të proceseve tektonike që ne e quajmë 'çarje', e cila megjithatë nuk çoi në formimin e kores oqeanike", tha studiuesja Giulia Matilde Ferrante.

A2 CNN Livestream

A2 Business