Sondazh: Cilat janë faktorët më të rëndësishëm për zhvillimin e një fëmije?
  • Edukimi shkollor 13%
  • Kujdesi familjar 83%
  • Ndikimi i shoqërisë 5%

"Ushtria ruse po gënjen Putinin"

Nga A2 CNN
23 Qershor 2023, 11:15 | Bota
"Ushtria ruse po gënjen Putinin"

Kreu i mercenarëve të Grupit Wagner, Yevgeni Prigozhin, vazhdon sulmet e tij ndaj Presidentit rus Vladimir Putin dhe ministrit të Mbrojtjes, Sergei Shoigu, pavarësisht se mercenarët u tërhoqën nga Bakhmut, majin e kaluar.

Gjithmonë kritik ndaj Kremlinit për atë që ndodhi gjatë muajve të fundit të konfliktit, ku kishte mungesë të mirëkuptimit për dërgimin e furnizimeve nga Moska në organizatën paraushtarake, me këtë rast ai zbuloi një nga problemet që presidenti rus aktualisht ka. Sipas Prigozhin, ushtria po gënjen Putinin për situatën e trupave në frontin e betejës dhe “i thonë shumë budallallëqe”.

“Kur morëm Bakhmutin, i lamë të gjithë korrespondentët e luftës të shkonin atje, që të mund të shihnin gjendjen reale të gjërave. Në atë kohë askush nuk fliste për mijëra tanke dhe mjete të blinduara të shkatërruara”, komentoi ai, duke siguruar në të njëjtën kohë se “tani nuk lejojnë askënd të hyjë” në Bakhmut.

Arsyeja pse askush nuk hyn në këtë komunë është se aty ka “probleme kolosale”, sipas Prigozhinit. Për këtë arsye ai kritikoi mungesën e transparencës së qeverisë dhe konkretisht të Ministrisë së Mbrojtjes për gjendjen e ushtarakëve në vendin e pushtuar.

“Qasja e Shoigu dhe Gerasimov është e thjeshtë: një gënjeshtër duhet të jetë monstruoze për t'u besuar dhe kështu bëjnë ata”, u shpreh Prigozhin.

Javën e kaluar, Prigozhin kritikoi ministrin e Mbrojtjes duke siguruar se ai “nuk mund të menaxhojë siç duhet formacionet ushtarake”, duke refuzuar kështu që trupat e tij të hyjnë nën kontrollin rus. Megjithatë, Prigozhin la një derë të hapur duke siguruar se ata janë “plotësisht të nënshtruar ndaj interesave të Federatës Ruse dhe Komandantit Suprem të Përgjithshëm”, duke iu referuar Putinit.

https://a2news.com/2023/06/14/putin-shkarkon-prigozhin-wagner-me-vete-rusia-sulmon-odesen-raportohen-viktima-dhe-te-plagosur/

A2 CNN Livestream

Ditari nga Erion Dushi