Vëzhguesit ndërkombëtarë të këtyre zgjedhjeve vendore që u mbajtën të dielën kanë dhënë deklaratat e tyre të para lidhur me çështjet që kanë evidentuar gjatë punës në terren.
Kreu i Kongresit të Autoriteteve Lokale dhe Rajonale, Stewart Dickson, një trupë e Këshillit të Europës, theksoi ndër të tjera si problematikën kryesore të këtyre zgjedhjeve rëndësinë e munguar ndaj lokalitetit.
Ndërsa theksoi se misioni që ai drejton ka qenë i pranishëm në qendra votimi e numërimi dhe ka folur me kandidatë dhe përfaqësues politikë, Dickson u shpreh se ajo që u konstatua ishte në tërësi një ditë e qetë dhe transparente zgjedhjesh.
Megjithatë, Stewart Dickson shtoi se disa problematika të ngritura nga “The Congress” mbeten të paadresuara: Përfaqësimi i ulët i grave si në garë ashtu edhe në administrimin e zgjedhjeve, mungesa e aksesibilitetit për persona me aftësi të kufizuara.
Dickson përmendi edhe problematikat dhe vonesat e shkaktuara nga mosfunksionimi i pajisjeve teknologjike në procesin e identifikimit apo votimit.
“Këto çështje duhen parë me prioritet për të rritur besimin e votuesve.”
Përpos administrimit të zgjedhjeve, ndërkombëtarët sjellin në vëmendje si shqetësues nivelin e pjesëmarrjes në këto zgjidhje, si dhe mungesën e programeve lokale, me fokus te qytetari.
“Na vjen keq që çështjet lokale u lanë në hije nga një fushatë e polarizuar, kryesisht nga drejtuesit e partive në nivel kombëtar. Më lini të nënvizoj se zgjedhjet lokale janë për qytetarët që të vendosin me anë të votës, prioritetet e tyre për çështje lokale, që për fat të keq edhe në këto zgjedhje nuk ishin rasti.” (A2 Televizion)
A2 CNN Livestream
MUND TE LEXONI GJITHASHTU
