559 ditë luftë, dronë e raketa nga të gjitha anët

Nga A2 CNN
5 Shtator 2023, 05:32 | A2 CNN në Ukrainë
559 ditë luftë, dronë e raketa nga të gjitha anët

Forcat e mbrojtjes ajrore në Rusi bëjnë me dije se gjatë natës kanë interceptuar dronë të tjerë të lëshuar nga ushtria ukrainase në drejtim të Moskës, të cilët u rrëzuan në rajonin e Tver.

Për këtë incident të radhës, reagoi dhe kryebashkiaku i kryeqytetit, Sergey Sobyanin i cili deklaroi se si pasojë e shpërthimit të dronëve të mbushur me eksplozivë nuk pati njeri të lënduar.

Ndërkohë që Rusia u kundërpërgjigj me raketa ndaj Ukrainës, ku disa prej tyre ranë në qytetin e Sumit duke shkaktuar të paktën 2 të lënduar.

Sipas administratës ushtarake ukrainase, Rusia vijon që të godasë infrastrukturën jetësore dhe zonat e civilëve, tani që lufta ka hyrë në ditën e saj të 559.

Kohët e fundit janë shtuar sulmet me dronë nga ana e Ukrainës drejt Rusisë, duke kërcënuar se teknologjia e re bën të mundur që të dërgojë mjete fluturuese pa pilotë deri në 1500 km brenda territorit të armikut të saj.

Do të informohesh i pari?
Shkarko aplikacionin tonë:
Android ~ iOS

A2 CNN Livestream

Ditari nga Erion Dushi