Sondazh: Cilat janë faktorët më të rëndësishëm për zhvillimin e një fëmije?
  • Edukimi shkollor 13%
  • Kujdesi familjar 83%
  • Ndikimi i shoqërisë 5%

Çekia publikon listën për ndeshjen me Shqipërinë, mungon ylli i skuadrës

Nga A2 CNN
3 Tetor 2023, 08:26 | Futboll
Çekia publikon listën për ndeshjen me Shqipërinë,

Çekia dhe Shqipëria kanë nisur përgatitjet për ndeshjen e 12 tetorit në Tiranë, e cilësuar si një nga përballjet më të rëndësishme në Grupin E për eliminatoret e Euro 2024, që mund të përcaktojë fatin e një prej ekipeve.

Federata Çeke e Futbollit ka publikuar listën e futbollistëve të thirrur për sfidën me Shqipërinë, ku bie në sy mungesa e yllit të ekipit, çka do të thotë një lajm i mirë për Kombëtaren tonë.

Patrik Schick prej disa muajsh vuan nga një dëmtim i rëndë dhe për këtë arsye trajneri Jaroslav Šilhavý nuk do të rrezikojë me ftesën e tij.

Mes emrave të tjerë të grumbulluar nga çekët shihet një ndryshim te portierë, ku në vend të Tomáš Koubek është ftuar Aleš Mandous. Mungesa ka edhe në mbrojtje, ku të pranishëm nuk do të jenë David Zima dhe Jaroslav Zelený.

Nga ana tjetër, janë ftuar David Jurásek dhe Martin Vitík. Mesfushorët dhe sulmuesit e grumbulluar janë të njëjtë. Në listë janë kapiteni Tomáš Souček, Václav Černý, golashënuesi më i mirë i skuadrës çeke në kualifikuese me tre gola.

Para ndeshjeve të tetorit, Shqipëria është në vendin e parë në Grupin E kualifikues me 10 pikë. Çekët janë në vendin e dytë me dy pikë më pak, por me një ndeshje më shumë për të zhvilluar.

A2 CNN Livestream

Ditari nga Erion Dushi