Në Egjipt, polici vret turistët izraelitë! Manifestime në botë kundër luftës, SHBA dhe Irani në lëvizje

Nga A2 CNN
8 Tetor 2023, 15:56 | Bota
Në Egjipt, polici vret turistët izraelitë! Manifestime në

Vazhdojnë reagimet ndërkombëtare lidhur me atë që po ndodh mes Izraelit dhe forcave palestineze.

Më shumë ndihmë amerikane për Izraelin mund të vijë shumë shpejt, thotë Sekretari i Shtetit, Antony Blinken. Kurse presidenti Iranian, Ebrahim Raisi, ka folur me liderin e grupeve militante palestineze Hamas dhe Xhihadit Islamik.

Nuk dihen detaje të bisedës, por Teherani zyrtar ka shprehur mbështetje publike për sulmin e tyre të armatosur të së shtunës.

Pas reagimeve të shumta ndërkombëtare lidhur me atë që po ndodh mes Izraelit dhe palestinezëve, janë organizuar dhe disa manifestime. Qindra mbështetës të Izraelit u mblodhën në Portën e Brandenburgut të Berlinit për të protestuar kundër sulmeve të Hamas. Sakaq, gjatë një tubimi në Bejrut, Hezbollahu premtoi mbështetje për palestinezët e Gazës.

Ndërkohë, në Egjipt ka ndodhur një ngjarje e rëndë, ku një polic ka qëlluar me armë zjarri duke vrarë 2 turistë izraelitë dhe guidën e tyre egjiptian.

A2 CNN Livestream

Ditari nga Denisa Pasholli