Tensione globale, teksa po rrezikohen mijëra civilë të pafajshëm nga lufta Izrael-Hamas

Nga A2 CNN
15 Tetor 2023, 13:37 | Bota
Tensione globale, teksa po rrezikohen mijëra civilë të

Ka kaluar një javë që nga inkursioni i Hamasit në Izrael, ndërsa Izraeli iu përgjigj sulmit të Hamasit duke e nënshtruar Gazën ndaj bombardimeve më intensive që ka parë ndonjëherë, duke e vënë enklavën, shtëpinë e 2.3 milionë palestinezëve, nën një rrethim total. Autoritetet e Gazës thanë të dielën se më shumë se 2,200 njerëz janë vrarë, një e katërta e tyre fëmijë, dhe rreth 10,000 janë plagosur.

Sulmet ndaj Izraelit e kanë zhytur kombin në pikëllim të thellë dhe e kanë nxitur atë për luftë, me qindra mijëra rezervistë të mobilizuar brenda disa ditësh.

Këshilltari i lartë i qeverisë izraelite, Mark Regev, tha se Izraeli do të ndëshkojë këdo që dëmton pengjet e marra nga personat e armatosur të Hamasit në 7 tetor. Ushtria konfirmoi të dielën se 126 persona ishin në burg, ndërsa breshëritë e raketave nga Gaza vijojnë.

Në anën tjetër tanket izraelite u vendosën përgjatë kufirit me Libanin me trupat që përgatiten për një sulm tokësor në Rripin e Gazës të kontrolluar nga Hamasi. Ndërkohë që Irani ka mohuar përfshirjen, në një takim në Katar, i garantoi bashkëpunim udhëheqësit të Hamasit Ismail Haniyeh për të arritur qëllimet e grupit, që Perëndimi e cilëson terrorist.

Sekretari amerikan i Shtetit, Antony Blinken e cilësoi takim “shumë produktiv” atë me princin e kurorës saudit Mohammed bin Salman në Riad, me qëllimin kryesor amerikan për ndalimin e konfliktit.

Blinken po kërkon gjithashtu të sigurojë lirimin e 126 pengjeve që Izraeli thotë se ishin marrë nga Hamasi në Gaza. Të dielën ai do të udhëtonte për në Egjipt, kalimi Rafa i të cilit tani shihet si porta kryesore për ndihmat për të arritur në Gaza.

Ministri i jashtëm James Cleverly deklaroi se Britania mbetet mbështetëse e të drejtës së Izraelit për t’u mbrojtur, por i ka kërkuar atij të tregojë përmbajtje në çdo veprim ushtarak kundër grupit militant palestinez Hamas, në mënyrë që të minimizojë dëmin ndaj civilëve, tha

Fundjava u shënua nga protesta pro-palestineze në pjesë të ndryshme të botës.

A2 CNN Livestream

Ditari nga Erion Dushi