Sondazh: Preferoni që emri i fëmijës tuaj të jetë:
  • Tradicional 37%
  • Modern 5%
  • I trashëguar 16%
  • Unik 42%

Von der Leyen: Dyert tona janë të hapura, mbështetje bizneseve të Ballkanit Perëndimor

Nga A2 CNN
16 Tetor 2023, 09:49 | Politikë
Von der Leyen: Dyert tona janë të hapura, mbështetje bizneseve

Menjëherë pas pritjes në tapetin e kuq të vendosur para kryeministrisë nga kreu i qeverisë, Presidentja e Komisionit Evropian, Ursula von der Leyen, mbajti një deklaratë për mediat, ku tha se ky samit është tepër i rëndësishëm i Procesit të Berlinit, pasi për herë të parë zhvillohet në një vend të Ballkanit Perëndimor.

Ajo u bëri thirrje të gjitha kompanive të Ballkanit Perëndimor që të kenë vullnetin e duhur për të realizuar tregun e përbashkët rajonal, për të marrë në këtë mënyrë financime më të mëdha nga Bashkimi Evropian.

“Është një samit shumë i veçantë ky që kemi sot. Është i dhjeti i Procesit të Berlinit, por për herë të parë zhvillohet në një vend të Ballkanit Perëndimor dhe ky është një mesash i fuqishëm se sa të përkushtuar jemi drejt zgjerimit.

Një nga temat kryesore do të jetë ekonomia e Ballkanit Perëndimor, ne mund të bëjmë më mirë. Për këtë kam prezantuar planin e rritjes, duam që t’u japim qasje kompanive të Ballkanit Perëndimor në tregun e përbashkët evropian.

Por për këtë na duhen reforma dhe ata që kanë vullnetin të reformohen dhe që janë të vullnetshëm të realizojnë tregun e përbashkët rajonal, do të marrin financim nga BE-ja. Pra, është një stimul për ata që duan të ecin përpara në këtë drejtim. Dyert tona janë të hapura, ndaj le të punojmë sot në këtë drejtim.”

A2 CNN Livestream

A2 Business