Sondazh: Nëse i afërmi juaj e ka ditëlindjen në 29 shkurt, kur e uroni?
  • 28 shkurt 33%
  • 1 mars 33%
  • Nuk e uroj 33%

Ndeshje vendimtare, Italia luan në Wembley “biletën” për në Euro2024

Nga A2 CNN
17 Tetor 2023, 14:37 | Futboll
Ndeshje vendimtare, Italia luan në Wembley “biletën”

Përballë Anglisë, Maqedonisë së Veriut dhe Ukrainës. Sipas rendit, këto janë tre finalet e Italisë, për të synuar pjesëmarrjen në finalet e Euro 2024.

Pas fitores me Maltën, të kaltrit rregulluan pozitat në grupin kualifikues, duke u ngjitur në vendin e dytë, në kuotën e 10 pikëve, aq sa ka edhe Ukraina.

Avantazhi i skuadrës së Spallettit është që italianët kanë edhe një ndeshje më tepër për të luajtur.

Në vendin e parë janë anglezët, rivalët e mbrëmjes së sotme në Wembley, pikërisht aty ku dy vjet më parë Italia u shpall kampione e Europës. Të kaltërve do ti mjaftonte pozicionimi në dy vendet e para, për të siguruar një biletë në eventin në Gjermani.

Një tjetër rrugë alternative do të ishin ndeshjet play-off për ekipet e vendeve të treta. Duke qenë se arritën në gjysmëfinalet e Nations League, të kaltrit e kanë vendin e garantuar.

Edhe me një humbje sot kundër Anglisë, italianët do të kualifikoheshin. Atyre do tu mjaftonte të merrnin 4 pikë në dy ndeshjet me Maqedoninë e Veriut dhe Ukrainën, pa pësuar humbje ndaj këtyre të fundit.

Nëse Italia merr 4 pikë kundër anglezëve dhe maqedonasve, dhe Ukraina humbet me Maltën, përtej Adriatikut do të nisë festa e parakohshme.

Llogaritë janë të thjeshta.Italia është gati për tre finalet e mbetura të edicionit, në mënyrë që të provojë të mbrojë kurorën kontinentale në Gjermani.

A2 CNN Livestream

Ditari nga Denisa Pasholli