Sondazh: Sa prezent është aktiviteti fizik në përditshmërinë tuaj?
  • Çdo ditë 43%
  • Tre herë në javë 21%
  • Vetëm në fundjavë 7%
  • Asnjëherë 29%

Hamasi lëshon raketa drejt Izraelit disa minuta pas largimit të Biden

Nga A2 CNN
18 Tetor 2023, 16:52 | Bota
Hamasi lëshon raketa drejt Izraelit disa minuta pas largimit të Biden

Pak minuta pasi presidenti i SHBA Joe Biden u largua nga aeroporti Ben Gurion në bordin e Air Force One, nga Gaza nisi lëshimi i raketave drejt Izraelit qendror.

Pasi shkeli tokën e Izraelit në vizitën e parë zyrtare që nga nisja e luftës, presidenti amerikan shpenzoi tetë orë duke folur me zyrtarë dhe familjarë në vend si dhe mbajti një mbledhje me kryeministrin Benjamin Netanyahu dhe kabinetin e tij.

Ndër të tjerë, kreu i Shtëpisë së Bardhë theksoi se për SHBA nuk ka përparësi më të lartë sesa kthimi në shtëpi i pengjeve të marra nga Hamasi më 7 tetor.

Gjatë konferencës për shtyp me Netanyahu-n, Biden iu drejtua familjeve të pengjeve: “Ju nuk jeni vetëm, ne po punojmë me partnerët në rajon për të siguruar lirimin e njerëzve të mbajtur të burgosur nga Hamasi.”

Po ashtu, ai njoftoi 100 milionë dollarë fonde të reja nga SHBA në ndihmë humanitare si në Gaza ashtu edhe në Bregun Perëndimor.

A2 CNN Livestream

A2 Business