Sondazh: Cilat janë faktorët më të rëndësishëm për zhvillimin e një fëmije?
  • Edukimi shkollor 13%
  • Kujdesi familjar 83%
  • Ndikimi i shoqërisë 5%

Përplasen dy anije mallrash pranë brigjeve gjermane

Nga A2 CNN
24 Tetor 2023, 14:58 | Bota
Përplasen dy anije mallrash pranë brigjeve gjermane
Foto ilustrative

Një person humbi jetën dhe katër të tjerë janë shpallur të zhdukur pas përplasjes së dy anijeve mallrash në Detin e Veriut pranë brigjeve të Gjermanisë.

Sipas të dhënave anija “Verity” me flamur britanik u përplas me “Bahamian Polesie” në orët e para të mëngjesit, ndërkohë që në bord ishin gjithsej 7 persona.

Përplasja raportohet të ketë qenë tepër e fortë dhe anija “Verity” është fundosur, e cila po udhëtonte nga qyteti verior gjerman i Bremenit për në Immingham.

Incidenti ndodhi në brigjet e Heligoland, një arkipelag gjerman i cili është pjesë e shtetit të Schleswig-Holstein.

Dy anije shpëtimi nga Shërbimi Gjerman i Kërkimit dhe Shpëtimit Detar  një helikopter i marinës gjermane dhe një varkë e policisë ujore po ndihmojnë në operacionet e kërkimit, teksa kontributin e saj është duke e ofruar dhe një anije turistike.

Shkaku i përplasjes është ende i paqartë.

A2 CNN Livestream

Ditari nga Erion Dushi