Akuzat për Biden, Trump i kërkon edhe Kinës të hetojë

Nga A2 CNN
4 Tetor 2019, 10:28 | Bota
Akuzat për Biden, Trump i kërkon edhe Kinës të hetojë

“Kina duhet të nisë hetime kundër Biden”. Donald Trump i bëri thirrje një tjetër fuqie botërore të hetojë rivalin e tij politik, këtë herë përpara kamerave, dhe pikërisht ndërsa përballet me mundësinë e impeachment, pasi bëri të njëjtën kërkesë në një dyer të mbyllura.

”Po të isha unë, do të kisha rekomanduar nisjen e hetimeve për Joe Biden dhe djalin e tij, pasi nuk ka asnjë dyshim që ata janë të përlyer”, deklaroi Trump përballë gazetarëve.

Thirrja ndaj Kinës për të hetuar lidhjet e biznesit të Hunter Biden solli në kujtesë kërkesën e bërë Rusisë gjatë fushatës së 2016-tës, lidhur me emaliet e Hillary Clinton, “Rusi, nëse je duke dëgjuar”.

 E megjithatë Trump tha se ende nuk e kishte diskutuar çështjen me presidentin kinez. “Nuk kam diskutuar ende por me siguri që është diçka që duhet menduar”, tha ai.

https://a2news.com/2019/10/03/impeachment-trump-sulmon-ashper-demokratet-biden-dhe-djali-i-tij-jane-super-te-korruptuar/

Trump akuzon Joe Biden dhe djalin e tij Hunter për korrupsion në lidhjet politike e të biznesit me Ukrainën dhe Kinën, por nuk ofron prova për ta konfirmuar këtë. Një zëdhënëse e fushatës së Biden u kundërpërgjigj se po kapet pas teorive të dëshpëruara konspiracioni, që janë hedhur nga institucionet të pavarura e të besueshme.

Ndërkaq ish i dërguari i posaçëm i Shteteve të Bashkuara në Ukrainë, Kurt Volker, u bë dëshmitari i parë që doli para Kongresi, si pjesë e hetimeve kundër Trump. Volker përmendej në raportin e informatorit anonim lidhur me bisedën telefonike Trump-Zelensky, dhe thuhet të jetë takuar më presidentin ukrainas menjëherë pas telefonatës. Voker dha dorëheqjen pas publikimit të raportit.

Do të informohesh i pari?
Shkarko aplikacionin tonë:
Android ~ iOS

A2 CNN Livestream

Ditari nga Denisa Pasholli