Emisione

I Ftuari

Në A2, "I Ftuari" do të ketë një hapësirë të dedikuar. Një program që do të jetë prezent në ekran çdo të martë e të enjte, në orën 20:00. Gazetari Endri Xhafo do të zhvillojë për rreth 45 minuta intervista të nivelit të lartë me politikanë, personalitete të ndryshme dhe figura të tjera të rëndësishme nga të gjitha fushat e jetës.

A2 Business

“A2 Business”, emisioni i përditshëm i ekonomisë, nën drejtimin e gazetares Aurora Sulçe. Zhvillimet kryesore ekonomike nga vendi dhe bota. Në studio me emrat më të njohur nga fusha e ekonomisë, përfaqësuesit e biznesit, qeverisë, institucioneve financiare ndërkombëtare.

A2 Business Week

A2 BUSINESS WEEK është një program i përjavshëm i producentes ekzekutive Aurora Sulçe. Analiza të detajuara për biznesin dhe ekonominë sillen mbrëmjen e së mërkurës në ekranin e A2. Programi ka një hapësirë kohore prej 45 minutash dhe të ftuarit sjellin argumente dhe fakte për tema të rëndësishme ekonomike. Ky është një program ku kanë shumë rëndësi shifrat, të cilat pasqyrohen me anë të një paraqitje grafike të zgjedhur.41

A2 Debat

A2 debat me Juli Krisafin, një emision i përditshëm, ku nëpërmjet debatit, evidentohen çështje dhe problematika, propozohen zgjidhje dhe diskutohen opinione. Të ftuarit në studio por jo vetëm, debatojnë çështjet kryesore të aktualitetit duke mundësuar kështu një analize më të thellë të temave më të rëndësishme të ditës. Çdo ditë, në orën 18:00, në A2 Debat do të merrni përgjigjet që kërkoni.

Dita jonë

Emisioni “Dita jonë” është një format televiziv mëngjesi i mbështetur në informacionet e përditshme nga çdo fushe e realitetit shqiptar. “Dita jonë” trajton temat qe na prekin të gjithëve, përmes intervistave me të ftuar interesantë dhe lidhjeve direkte. Në emision gjeni aktualitetin, motin, trafikun, temat sociale dhe kulturore. Çdo ditë përmes rrjeteve sociale mund te jepni opinion tuaj mbi tema të ndryshme dhe të ndërveproni me ne. Me Aulona Minga dhe Blendi Salaj, prezantues dhe producentë.