Policia i vihet pas “këmba-këmbës” të riut që ndezi zjarr në Radhimë, i gjejnë edhe hashash

Nga A2 CNN
1 Gusht 2023, 16:58 | Kronikë

Policia e Shtetit bën me dije se ka vënë në pranga një 26-vjeçar në Radhimë, pasi është kapur në flagrancë duke ndezur zjarr në një sipërfaqe toke.  

Në njoftimin e policisë thuhet se, pasi është arrestuar, 26-vjeçarit i është gjetur edhe një sasi kanabisi, që i është gjetur në xhep.

Sakaq materialet procedurale për këtë rast do t’i kalojnë Prokurorisë, për veprime të mëtejshme.

“Radhimë, Vlorë/Vijon kontrolli në territor, për parandalimin e zjarrvënieve, identifikimin dhe kapjen e autorëve. Ndërhyrja në kohë e shërbimeve të Policisë parandalon përhapjen e një zjarri që sapo ishte ndezur në fshatin Radhimë. U kap në flagrancë duke ndezur zjarrin, vihet në pranga 26-vjeçari.    Gjatë kontrollit, këtij shtetasi i është gjetur dhe sekuestruar një sasi e vogël lënde narkotike kanabis. 

Shërbimet e Stacionit të Policisë Orikum, gjatë kontrollit të territorit, me qëllim parandalimin e zjarrvënieve dhe kapjen e shtetasve që tentojnë të ndezin zjarre në kullota apo në sipërfaqe pyjore, kanë kapur në flagrancë një shtetas që po ndizte zjarr i cili rrezikonte të përhapej në një sipërfaqe të madhe toke me bimësi dhe afër banesave në fshatin Radhimë.     

Shërbimet e Policisë kanë ndërhyrë menjëherë për parandalimin e përhapjes së zjarrit dhe për arrestimin e autorit, shtetasit Gj. H., 26 vjeç, banues në Vlorë. Materialet procedurale për këtë rast do t’i kalojnë Prokurorisë, për veprime të mëtejshme.

Shërbimet e Policisë, në zbatim të planit të masave të hartuar nga Drejtoria e Përgjithshme e Policisë së Shtetit “Për marrjen e masave me qëllim përballimin e situatave që mund të krijohen si rezultat i zjarreve në fondin pyjor e kullosor përgjatë sezonit veror 2023”, do të vijojnë kontrollet në të gjithë vendin, për të kapur dhe vënë përpara përgjegjësisë penale të gjithë ata shtetas që ndezin zjarre, si në tokat e tyre, ashtu edhe në sipërfaqet pyjore apo në kullota.

Policia e Shtetit apelon për të gjithë banorët, që në asnjë rast të mos ndezin zjarre, pasi do të përballen me ligjin. Policia fton qytetarët që të denoncojnë në numrin 112, për çdo rast të zjarrvënies apo të paligjshmërisë në tërësi, duke iu garantuar anonimatin dhe reagim të shpejtë e të paanshëm nga strukturat policore.”

Njoftimi i Policisë

Do të informohesh i pari?
Shkarko aplikacionin tonë:
Android ~ iOS

A2 CNN Livestream

Ditari nga Loneta Progni