Pronarët dhe administratorët e mjeteve lundruese protestë para policisë kufitare në Vlorë: E kemi lakun në fyt nëse nuk punojmë

Nga A2 CNN
6 Gusht 2022, 09:36 | Aktualitet
Pronarët dhe administratorët e mjeteve lundruese protestë para

Pronarë dhe administratorë të mjeteve lundruese dhe detare po protestojnë përpara policisë kufitare në Vlorë. Ata protestojnë për bllokimin e lundrimit të mjeteve lundruese pikërisht në kulmin e sezonit turistik.

Sipas tyre, mjetet dhe lundrimi po bllokohen pa arsye për shkak të një aksidenti. Ata kanë të rregullta dokumentet, paguajnë taksa dhe sigurime shoqërore.

Siç tregojnë dokumentet e tyre janë verifikuar kanë dalë të rregullta dhe sërish ata nuk janë lejuar të lundrojnë.

https://a2news.com/2022/08/04/motoret-e-ujit-pushuesit-kur-kontrollohen-dhe-zbatohen-rregullat-ndihemi-te-sigurt/

Gjithashtu pronarët e mjeteve tregojnë se bllokimi i tyre në kulmin e sezonit turistik i penalizon, pasi kanë taksa dhe fatura për të paguar dhe nuk ia dalin dot t’i paguajnë, pasi janë kredimarrës dhe e kanë lakun në fyt nëse nuk punojnë.

https://a2news.com/2022/08/03/pas-tragjedise-kontrolle-skafeve-nga-jugu-ne-veri-nano-tolerance-zero-per-policet-qe-neglizhojne/

Ky vendim i drejtorit të ri të drejtorisë së Kufirit në Vlorë, Eduart Sulejmani vjen në kulmin e sezonit turistik, për shkak të ngjarjes tragjike në Himarë, ku humbi jetën 7-vjeçarja. Sipas vendimit asnjë mjet lundrues duke filluar që prej ditës së djeshme nuk do të dalë dot në det.

https://a2news.com/2022/08/03/cdo-sezon-turistik-ngjarje-tragjike-ne-bregdet-policia-vijon-kontrollet-ne-facebook/

A2 CNN Livestream

A2 Sport