Protesta e 11 shkurtit, udhëzimi i Berishës vë në lëvizje strukturat, nis mobilizimi i demokratëve nëpër rrethe

Nga A2 CNN
6 Shkurt 2023, 10:51 | Politikë

Pas udhëzimit të kreut të Partisë Demokratike, Sali Berisha, deputetët e PD-së në qarqe të ndryshme, së bashku me kandidatët për kryetar bashkie kanë nisur takimet me strukturat për mobilizmin e protestës së 11 shkurtit.

Kryefjala e këtyre mbledhjeve është largimi i kryeministrit Rama, si dhe nisja e një cikli protestash që do të zhvillohen pas 11 shkurtit.

Qarku Fier

Në kuadër të udhëzimit të kryedemokratit, deputeti Luan Baçi zhvilloi një takim me kryetarët dhe sekretarët e degëve të qarkut Fier dhe kandidatët për kryetar bashkie, Fier, Lushnjë, Mallakastër, Divjakë, Patos, Roskovec!

Gjirokastër

Takime u zhvilluan edhe në Gjirokastër me Kryesinë e degës, drejtues të degëve të PD në Qark, kandidatët për kryetarë të bashkive Gjirokastër, Libohovë, Dropull, Tepelenë, Memaliaj, Përmet e Këlcyrë.

Elbasan

Edhe në Elbasan janë zhvilluar takime me strukturat e PD, ku u bë thirrje për një organizim dhe pjesëmarrje masive në protestën e 11 shkurtit në kryeqytet.

Vlora

Në Vlorë u zhvillua një takim pune/mbledhje e zgjeruar e Kryesisë së Partisë Demokratike të qytetit, ku të pranishëm ishin  Sekretarët Funksional të degës dhe disa prej kryetarëve të Grupseksioneve. Në thelb të mbledhjes ishte organizimi që Partia Demokratike Vlorë do të ketë për Protestën e 11 Shkurtit, si një moment i rëndësishëm politik për demokracinë, pluralizmin dhe votën e lirë, për të gjithë shqiptarët.

Kukës

Edhe në Kukës, grupi i punës së Degës së Partisë Demokratike në këtë qytet mbajti mbledhjen e radhës ku u diskutua në lidhje me procesin e kontrollit të listave të votuesve, përgatitjen për njoftimin e strukturave ne nivel seksioni dhe grupseksioni për pjesëmarrje në protestën e datës 11.02.2023. Po ashtu u diskutua edhe rreth situatës politike në nivel lokal dhe kombëtar.

https://a2news.com/2023/01/31/koha-te-flase-opozita-berisha-shqiperia-derdhet-ne-tirane-me-11-shkurt/
https://a2news.com/2023/02/01/berisha-largimi-i-edi-rames-me-te-gjitha-mjetet-shqiptaret-me-11-shkurt-do-te-thone-fjalen-e-tyre/

A2 CNN Livestream

Dita jonë 2024