19-vjeçari i pret kokën të dashurës, vret ish të dashurën dhe më pas veten

Vrasësi ishte në lidhje me një vajzë në të kaluarën dhe tani ishte në lidhje me tjetrën - Pas vrasjes së dyfishtë, ai u hodh nga muret e Stambollit dhe i dha fund jetës

Dy vajza të reja u vranë pasditen e së premtes në Stamboll, me 30 minuta diferencë, ndërsa agresori që u mori jetën në fund kreu vetëvrasje.

Autoritetet turke sqaruan se viktimat janë Eisenur Halil dhe Iqbal Uzuner. Dy vajzat së bashku me të dyshuarin, e quajtur Semih Çelik, ishin të gjithë nga 19 vjeç.

Sipas mediave turke i riu ka qenë më parë në lidhje me njërën nga vajzat dhe aktualisht ishte në një lidhje me tjetrën.

Ngjarja e rëndë ka ndodhur rreth orës 16:00 të së premtes, ku fillimisht i riu vrau brutalisht Eisenurin, e cila ishte partnerja e tij aktuale. Më pas Çelik i preu kokën Iqbalit në një nga rajonet e qytetit pranë mureve bizantine, nga ku edhe u hodh e gjeti vdekjen edhe vetë.

Babai i Çelik ka thënë për mediat turke se djali i tij vuante nga probleme psikologjike dhe kurohej për këtë gjë.

Vrasja e dy 19-vjeçareve është vetëm e fundit në serinë e femicideve në Turqi. Vendi është tronditur nga kjo plagë që numëron 290 viktima që nga fillimi i vitit dhe më shumë se 160 "vdekje të dyshimta", të cilat autoritetet i kanë renditur si vetëvrasje ose aksidente. Madje në fund të shkurtit, në të gjithë vendin u vranë shtatë gra në një ditë të vetme. (A2 Televizion)