Hamasi njofton botën: Jemi afër një marrëveshjeje për armëpushim me Izraelin

Nga A2 CNN
21 Nëntor 2023, 07:06 | Bota

Hamasi njofton botën: Jemi afër një marrëveshjeje për

Ndërkohë që lufta, e cila vazhdon prej javësh, mbetet në agjendën kryesore të botës, lideri i Hamasit theu heshtjen. Një deklaratë e jashtëzakonshme për një marrëveshje armëpushimi erdhi nga lideri i Hamasit.

“Ne jemi afër arritjes së një marrëveshjeje për një armëpushim me Izraelin”, tha sot në Telegram një nga liderët e Hamasit, Ismail Haniyeh.

Zyrtarët e Hamasit i thanë transmetuesit Al Jazeera se detajet e armëpushimit do të njoftohen kur të finalizohet nga ndërmjetësit e Katarit.

Negociatorët, nën ndërmjetësimin e Katarit, po negociojnë për të nënshkruar një marrëveshje që do të lejojë lirimin e rreth 240 të burgosurve, kryesisht izraelitë, të kapur më 7 tetor dhe një armëpushim në Gaza, ku më shumë se 13 mijë njerëz u vranë në sulmet izraelite. Thuhet se në tavolinë është edhe lirimi i disa palestinezëve, përfshirë gra dhe fëmijë, nga burgjet izraelite.

Të hënën, presidenti amerikan Biden tha se besonte se një marrëveshje për lirimin e pengjeve ishte afër.

Ndërkaq 17 persona u vranë dhe disa të tjerë u plagosën, mbrëmjen e kaluar, në një sulm izraelit në kampin e refugjatëve Nuseirat, në jug të Gazës. Sipas mediave palestineze, viktimat përfshijnë gjithashtu gra dhe fëmijë. Tre trupa u nxorën nga rrënojat, pasi forcat izraelite goditën një ndërtesë banimi në Jabalia, në veri të Gazës, ndërsa disa njerëz ishin ende të bllokuar nën ndërtesën e shembur.

Do të informohesh i pari?
Shkarko aplikacionin tonë:
Android ~ iOS

A2 CNN Livestream

Ditari nga Loneta Progni